चन्द्रागिरिमा एनटीभीकी पहिलो महिला छायाँकार विष्णु पन्थी सम्मानित

काठमाडौँ । चन्द्रागिरि नगरपालिकामा स्थापित ‘कमला कार्की स्मृति प्रतिष्ठान’ले आफ्नो दसौँ स्मृति दिवसका अवसरमा नेपाल टेलिभिजनकी पहिलो महिला छायाँकार विष्णु पन्थीलाई विशेष सम्मान प्रदान गरेको छ।
आइतबार नैकापस्थित ब्राइट फ्युचर माध्यमिक विद्यालयको खुला प्रांगणमा आयोजित समारोहमा पत्रकारिता तथा सञ्चार क्षेत्रको प्राविधिक कार्यक्षेत्रमा पुर्‍याएको योगदानको प्रशंसा गर्दै पन्थीलाई ताम्रपत्र तथा सम्मानपत्रद्वारा सम्मानित गरिएको प्रतिष्ठानले जानकारी दिएको छ।
सरकारी प्रसारण संस्था नेपाल टेलिभिजनको इतिहासमा महिला छायांकनकर्ताको रुपमा पहिचान स्थापित गर्न सफल पन्थी लामो समयदेखि क्यामेरापछाडिबाट समाचार, कार्यक्रम र रिपोर्टिङ कभरेजमा सक्रिय रहिआएकी छिन्।
प्रतिष्ठानले पन्थीको योगदानलाई “दृष्टिअन्तरित प्राविधिक क्षेत्रमा महिलाको अग्रगामी उपस्थितिको प्रतिनिधि” भन्दै कदर गरेको छ।